حكاية - صَلَّيْت َعارية رعب بالعامية المصرية كاملة

حكاية - صَلَّيْت َعارية  رعب بالعامية المصرية كاملة

ساره ..؟
مينفعش يا زفته انتي كل يوم اخش الاقيكي نايمة بالمنظر ده قولتلك كده حرام .. ؟؟
حرام ..!! ميت مره قولتلك ابقي البسي حاجه تداري جسمك قبل متنامي ...!!

وبردوا سايبه اللاب مفتوح والأغاني شغاله انا مش عارفه اعمل معاكي ايه ..؟؟
خلاص زهقت منك ..؟

"انا سارة عندي 18 سنة في كلية اثار بس مش بروح الجامعه كتير غير لو في خروجه مع صحابي او حفله او عيد ميلاد حد من الشله ..!!
بحب الأغاني والأفلام الرعب والقصص الرعب والفيس والانستا واللبس والميك اب من الاخر مقضياها ..."

خلاص يا حاجه قايمة وبعدين قولتلك انا مبعرفش انام غير كده ..!!
يا بنتي بقولك حرام تنامي كده هتتلبسي يخربيتك ..!!
وبعدين انتي عندك أخوكي ولد مينفعش يشوفك كده..!!
وبعدين نفسي اشوفك بتصلي ولا بتعملي حاجه مفيده غير النوم ...؟ 
اول حاجه يا ماما ده اخويا وبعدين انا قبل مخرج من اوضتي بلبس حاجه وبالنسبة للصلاة ربنا يهديني ..!!
اما بقا اللي هيلبسني ده فاكيد مش هيسيب كل بنات العالم ويجي يلبسني انا يعني .. ..!
وبعد الكلمة حسيت برعشة في جسمي بس مهتمتش قولت عادي .....؟؟
ابتدت الحكايه في يوم .. جيت من الجامعه بليل ودخلت اوضتي بعد خناقه صغيره مع ماما كالعادة..
قلعت كالعادة وفتحت اللاب وشغلت أغاني وفضلت قاعده علي النت مابين فيس ويوتيوب وخلافه...!!

.ماما نادت عليا عشان اتعشي معاهم قولتلها ماشي بس كملت قاعدتي علي النت ومخرجتش ....؟؟

علي حوالي الساعة 12 كده كبس عليا النوم ..
قومت طلعت ع السرير وسيبت اللاب مفتوح علي أغاني بصوت هادي وفردت ضهري علي سريري ومسكت الفون ودخلت ع الفيس ....؟!

قولت اقرأ قصة رعب من اللي بحبهم عقبال منام..
ودخلت علي جروب للقصص الرعب واختارت قصة اسمها "صَلَّيْتَ عارية""
بصراحة اسم القصة شدني وابتديت اقرأ القصه واللي كانت بطلتها تشبهني كتير في ظروفي وطريقتي وأسلوبي في الحياه ...

ماما نادت عليا تاني عشان أقوم اتعشي معاهم ..؟؟؟؟ قولتلها جايه بس برده مقومتش وبدأت اقرأ في القصة ..!!

القصة كانت ف أولها عادية جدا وبعدين بدأت أحداثها تزداد رعب وفجأه..؟

جالي شعور ان في حد معايا في الاوضة ..؟؟
خيالات راحه جايه ..؟؟
شيلت عيني من علي الفون ثواني وابتديت اركز في كل أركان اوضتي ..؟؟
بس ملقيتش اي حاجه وابتسمت وقولت ده اكيد تأثير التعب وعشان النوم كابس عليا ..!!
بس بدون مقدمات ومرة واحدة ...؟؟
حسيت بحاجه نايمة جنبي ع السرير ..!؟
ايوه نايمه جانبي .. سامعة نفس حد ..؟؟
حاسه بحرارة جسمة ..؟؟
جسمي كله اتلبش ومبقتش قادرة أتحرك ..؟؟
بحاول الف وشي وابص اشوف ايه ده ..؟؟
بس مش قادرة ..!!

وبعدين الأمور زادت ..؟؟

هذا الشئ الغير مرئي ابتدي يقرب وبحس بيه اقرب مني من الاول ..!!
يقرب يقرب يقرب ...
وابتدي يتحسس جسمي العاااري ..

صرخت بأعلي صوت محدش سمعني صوت الأغاني اللي انا مشغلاها بيعلي ويزيد لوحده .. ؟؟

حاولت أقوم بس حسيت ان في أيد ماسكة ف ايدي ومكلبشاني ..؟؟
مش قادرة أتحرك من علي السرير ..

بدأ يتلمس كل جسدي وكلما زاد ملامسته لجسدي زاد صراخي لكن دون جدوي مفيش حد بيسمعني ....؟؟

سامعه صوت اخويا بره الاوضة بس هوه مش سامعني ....؟

صوت الأغاني عالي بس صراخي اعلي بخبط برجلي علي الحيطه اللي جنبي بحاول اعمل اي حاجه عشان حد يسمعني مفيش فايده..

السرير بيتحرك بيا بيترفع لفوق وينزل تاني ولسه الشئ ده بيتحسس في كل جسمي بل زاد الامر عن التلامس والتحسس ...؟!!!

صرخت صرخت صرخت بكل قوه ..
قومت من النوم ..؟؟
ايه ده ..؟ كان كابوس ..!!؟؟؟
معقوله لا انا كنت مفتحه عيوني كان كل شئ حقيقي ..!!

باخد نفسي بصعوبه الأغاني شغاله زي مهيا ..
كل شئ طبيعي بالاوضة بتاعتي .. ..؟

بس انا مرعوبه جسمي بيترعش قومت جري عشان اخرج علي بره من كتر خوفي من اللي شوفته ف الكابوس الغريب ده..

وقفت عند الباب ..؟؟
هخرج ازاي كده ..؟؟؟!!
صوت اخويا بره وانا مش لابسه "كل هدومي "

رجعت تاني وقولت هلبس حاجه واخرج اقعد شويه بره مع اخويا لحد مهدي شويه وانسي الكابوس المرعب ده وابقا كويسه...

فتحت الدولاب طلعت هدوم البسها ببص علي ايدي ...؟؟
علامات 3صوايع معلمين علي كل أيد من اديا مكان المسكه ..؟
يعني ايه مكنش حلم ...!؟ لاااااا
اتفزعت وفجأة ..؟؟؟

سمعت نفس حد ورايا وسخونة شديده والأغاني ارتفعت اكتر واكتر وابتدي الشئ ده ..؟
...لااااااااااااااا

سامعه صوت نفس من ورايا وسخونة شديدة وصوت الأغاني زاد جدا وابتدي شئ يحضني من ظهري ...؟؟؟؟

صرخت
وصرخت وصرخت
فتحت عيني ..؟؟
لاقيت نفسي علي السرير لسه ..!!؟
قومت بصيت علي ايدي مفيش حاجه ..!!
يعني كل ده كابوس ..؟؟
كابوس جوه كابوس ..؟

قومت مرعوبه ولبست بسرعه جدا وخرجت قعدت مع اخويا ومدخلتش الاوضة تاني غير لما النهار طلع ..

دخلت الصبح الاوضه وبعد محاولات كتير للنوم نمت عادي جدا ومحصلش اي حاجه انا قولت مجرد كابوس وخلاص انتهي ..

صحيت علي صوت امي كالعادة :
قومي بقا يا زفته العصر هيدن ايه هتنامي طول النهار يعني ولا جامعه ولا حتي بتعملي اي حاجه معايا في البيت ..؟؟

حاضر يا حاجه قايمه قااااااايمة ...!!.
وقومت بس مردتش احكيلها علي الكابوس عشان متقوليش مش قولتلك هتتلبسي والكلام ده بقا وتتشفي فيا وبيني وبينكم انا محطتش في بالي اصلا..
قولت مجرد كابوس زي اي كابوس ....

بليل دخلت اوضتي وتقريبا نسيت اللي حصل امبارح وفتحت اللاب وشغلت أغاني وبرده قلعت اغلب هدومي وقعدت أكلم صحابي ع الفيس

وكعادتي كل يوم دخلت علي جروب القصص الرعب وابتديت أدور علي قصه اقرأها بس المرادي وانا قاعده ع اللاب مش من الفون ...

لمحت نفس القصة "صَلَّيْتَ عارية" فتحتها ..؟

ايه ده مش دي القصه اللي كنت بقراها امبارح قبل منام ونمت ومكملتهاش ..؟ اه هيا فعلا

ابتديت اقرأ وهنا افتكرت الكابوس ..!!
طب اقرأها ولا لا ..؟؟
خوفت جدا لما افتكرت كابوس امبارح..؟؟
بس شيلت الموضوع من دماغي عشان مخافش وكملت قرأة ....؟؟؟

شويه وانا بقرأ في القصة ومندمجه مع الأحداث اللاب فصل شحن ..؟
ايه الفصلان ده بقا ..؟
قومت أتأكد من فيشة الشاحن روحت لحد الفيشة شيلتها وحططها تاني عشان لو مهزوزه ..؟

وراجعه تاني شوفت حاجه خلعت قلبي من مكانه ...؟؟؟

بصيت لاقيت شئ غريب قاعد علي السرير قدام اللاب وباصص ليا ..؟؟؟!!

زي ميكون راجل بس ده مش بني ادم ..؟؟
كيان غريب من غير ودان تقريبا واصلع ولون جلده اقرب للأزرق وفتحة فمه بالطول مش بالعرض وعيونه ضيقة جدا وأيده فيها 3 صوابع بس وليه حوافر ....!!؟
منظر فظيع ومرعب ..؟؟

حرارة جسمي ارتفعت ورجلي اتمسمرت في الارض ومش قادرة أتحرك ولا اتكلم ..
ولا نفس خارج مني ..!!
واقفه مصدومه ..!!

بص ناحيتي وقالي بصوت أدمي ..؟
تعالي متخافيش ..!!!

صوتي مش طالع ..
نفسي أصرخ...
نفسي اجري ...
نفسي ...يغمي عليا ...
نفسي اموت حتي ..!!
بس مشوفش المنظر المرعب ده ..!!

وف بالي بقول يارب يطلع كابوس ..!!!
يارب يارب اكيد هوه كابوس ..عاوزه افوروووق ..

نادي عليا تاني وقالي قربي واتكلمي ..؟
صرخت .. صوتي طلع بس تقريبا محدش سامعني صرخت كتير بس مفيش فايده..!
قالي محدش هيسمعك ..!

طب انت ايه ومين وعاوز ايه مني ...؟؟

الجزء الثالث
انت كابوس انت مش حقيقي وانا هفوق دلوقتي وابتدت دموعي تنزل ...

حطيت ايدي علي خدي أتأكد من وجود دموع .. لاقيت دموع فعلا يعني ده حقيقي ..؟

بحاول اتشبس باي حاجه تقنعني ان ده كابوس ...بس واضح فعلا انه حقيقي ...

قالي انا بحبك ومراقبك من زمان واعرف كل حاجه عنك وعاوزك معايا في العالم الخاص بيا ...

اتصدمت وبقيت في حاله هيستيريا بضحك وبعيط وبقوله سيبني في حالي اجي معاك فين انت مش حقيقي ده كابوس ..

وبحاول اهرب بس مش قادره ..؟؟
رجلي مش بتتحرك من مكانها !!

ابتدي يقرب مني وكأن نار جايه عليا ...
قرب اكتر وقف قدامي مقدرتش ابصله
مسك ايدي وابتدي يشدني ناحية السرير ..

بمشي معاه مش عارفه ازاي ..؟؟
وصلنا للسرير ابتدي يتحسس في جسمي زي امبارح بالظبط بس المرادي وهوه موجود فعلا قدامي..

منظره فظيع ماسك ايدي وبيحاول يحضني ..
صرخت تاني صرخت كتير حد يرد عليا حد يلحقني ...

باب الاوضة اتفتح .. دخلت امي ...!؟
ردت فيا الروح ..!
وحسيت بالأمل من تاني ..!!وبصرخ وبقول الحقيني يا ماما الحقيني وصريخي زاد ...!!

أمي وقفت قدامي وقالت ..؟؟
..: برضة يا سارة نايمة من غير هدوم ومشغلة الأغاني انا مش عارفه اعمل معاكي ايه ربنا يهديكي يا بنتي وخدت حاجه من الاوضة وخرجت....!!

وكأنها مش شايفة حاجه من اللي بيحصل ...!!!!؟
اتصدمت والأمل ان حد ينقذني راح وفضلت أصرخ ..!!
لا لا متخرجيش يا ماما متخرجييييش الحقيني انا صاحيه اهوه مش نايمه ارجعي الحقيني الحقيني..
مش سامعاني تقريبا ..!!
قفلت الباب وخرجت ..!!
لا لا لا لا لا لا لا
ازاي مشفتهوش ..؟
اه يبقا اكيد انا بحلم ..؟
بس هوه كان لسه مسكني . وقالي لا ده مش حلم.. وانتي بتاعتي ولازم اخدك معايا ..؟'

فضلت أصرخ وأبكي واقول يارب يارب يارب ودي كانت اول مرة انادي واطلب مساعدة ربنا !!!!
نفسي اقرأ قرأن بس مش حافظة ..،!!!!
فضلت أقول يارب ياااااارب احميني ...

الفجر أذن ..!!!
باب شباكي اتفتح لوحده وهوه اختفي في ثانية .. كل شئ رجع لطبيعته ..
وقعت من طولي علي السرير ....!!

الصبح : سارة سارة قومي يا بنتي عشان تفطري معانا قومي كفايه نوم وبرده مشغله الأغاني ..؟
يخربيتك فاتحة الشباك ونايمة بالمنظر ده انتي ايه اتجننتي خلاص ..؟؟

قومت ... الشباك مفتوح وأمي بتزعقلي بصيت علي ايدي علامات صوابعه موجوده بصيت لامي وانهرت من العياط ....

في ايه يا بنتي مالك يا سارة وخدتني في حضنها ..

هديت شوية وحكيتلها علي كل حاجه حصلت ووريتها دراعي ..!!

اتصدمت وضمتني اكتر لحضنها وفضلت تعيط معايا ..

ليه كده يا بنتي ياما قولتلك .. ..
ربنا يحفظك ويحميك وابتدت تقرأ قرأن في كل الاوضة ..

خرجنا كنت مرعوبه أعد في الشقة بس امي فضلت جنبي مسبتنيش وقالتلي انا هتصل بخالتك تبعتلنا شيخ هيا تعرفه ..

بالفعل اتصلت والشيخ جيه البيت وقعد معايا وحفظني بعض آيات القرأن من غير ميلمسني ودخل اوضتي وبدأ يقرأ قران وقعد لوحده جوه حوالي ساعه وخرج ...

وقالي ان شاء الله انتي مفكيش حاجه بس متناميش غير وانتي ساترة نفسك وواظبي علي الصلاة وقرأه القرأن وبالتحديد الآيات اللي اديتهالك ومتخافيش من حاجه غير ربنا وخليكي قويه ربنا يحفظك ويحميكي يا بنتي ...

الشيخ مشي وانا من وقتها ابتديت اصلي فعلا واقرأ قرأن وقررت أغير حياتي ..

اول فترة مكنتش بنام ف الاوضة خالص ومكنش بيحصلي اي حاجه ..

وبعدين بقيت انام في الاوضة بس ماما كانت بتنام معايا...

وشويه شويه بقيت انام لوحدي ومحصليش اي حاجه تاني لحد مطمنت بس كل ده وانا مواظبة علي الصلاة وحتي الفجر بصليه في وقته وتقريبا حياتي كلها اتغيرت...

مع الوقت بقيت افتح فيس وأشغل أغاني بس مستمرة في الصلاة وقرأه القرأن ...

عدت شهور ومع الوقت ابتديت أهمل في الصلاة....!!!!؟؟

الجزء الرابع

وف يوم قاعده سهرانه وبسمع أغاني حسيت بسخونة شويه ف الجو قومت قلعت اغلب هدومي ورجعت قعدت ع الفيس ..

دخلت جروب القصص الرعب وابتديت أدور ..
نفس القصة ياااااه لسه موجودة ..!؟؟

انا لسه مكملتهاش لما اخش اكملها "صَلَّيْتَ عاريه""
انا وصلت لحد فين ..؟؟

اه لحد ما البنت ابتدت ترجع زي الاول ومبقتش تواظب علي الصلاة ...

الفجر أذن .. عملت نفسي مش سامعة ..
وابتديت اكمل القصة ...

سمعته من ورايا بيقولي وحشتيني ..!!!
اخيراً رجعتي ليا ...!!!

لفيت وشي ببطأ وبصيت ..؟؟ ايوه هوه نفس المنظر البشع واقف ورايا ...

جسمي اترعش وغرقت عرق في ثانيه وبحاول افتكر الآيات اللي حفظهالي الشيخ بس تقريبا ذاكرتي اتمسحت ..؟!

قومت وانا جسمي كله بيتراقص مفيش أعصاب وانا مش لابسة وبقول ألحقني يارب انا خلاص هرجع اصلي ...!

جريت علي المصلية مسكتها وفردتها وبحاول أصلي وانا شبة "عاريه" ....!!!!!

شدني وحضني من ضهري وحط أيده علي عيني وقالي خلاص انتي بقيتي بتاعتي وهتيجي معايا دلوقتي ....

شال أيده وفتحت عيني ...؟؟
انا فين دي مش اوضتي ولا ده بيتنا ولا ده عالمنا يعني ايه خلاص انا هكمل هنا لا مش ممكن ...!!
لا اكيد مش هتكون دي نهايتي وفضلت ابكي وأقول ياااارب اديني فرصة تانيه ...؟؟؟
بس تقريبا خلاص مفيش فرص تانية ...!!!

بس انا استاهل عشان طول الوقت مش بعمل حاجه صح وطول الوقت بعيده عن ربنا حتي لما جاتلي الفرصة ارجع لربنا واعمل حاجه صح في حياتي مقدرتش استحمل وأكمل ورجعت تاني زي مكنت ...!!!

سارة ..؟؟
انتي يا زفتة يالا عشان نتعشي هنستناكي سنة يلا الأكل هيبرد ....!!!

حاضر خلاص جيت يا حاجه كنت بكمل القصه اصلها قصة جامده يا ماما...!
وقصة ايه دي يا حبيبتي ..؟؟
دي قصه رعب اسمها "" صَلَّيْتَ عارية""

عاريه لابسه المهم انها صلت عقبالك يا بنتي لما ربنا يهديكي وتصلي زي بطلة القصة وتلحقي نفسك وتغيري حياتك

ههههه منا خلاص بعد القصة دي قررت اصلي يا ماما وأغير حياتي الحمد لله..
تمت

ممكن تكون كتير منكم "سارة "
ألحقوا غيروا حياتكم عشان ممكن المره الجايه تكوني انتي بطلة القصة ...!!!
ربنا يحفظكم ويحميكم

شكرًا لمتابعتكم
                    تحياتي اخوكم رأفت حجازي