حكاية بيسة صاحبة القبور حكاية مرعبة بالعامية
المصرية وفيها عبرة وعظة
كان عندنا من قيمة 5 سنين كده او اكتر سوق صغير او ناس بتقف تبيع حاجات يعنى قدام التُرب “المقابر” .. لان الترب كانت فى مساكن شعبيه وكده ..
المهم كان فى واحده مجنونه اسمها بيسه .. كانت عايشه فى التُرب دى .. بس كلهم كانوا فاكرينها عفريته .. عشان كده كانت بتطلع تاخد اى حاجه من على اى عربيه من غير ما حد يفتح بوئه وكأنه مش شايفها اصلا ..
فى يوم دخل بياع جديد السوق ده .. وجات بيسه دى تاخد حاجه من على عربيته .. شخط فيها وقالها غورى يا بت من هنا يلا .. وفجأة شاف ذهول من السوق كله .. كلهم متنحين .. وبيسه جريت على التُرب .. اول ما بيسه جرت كلهم بسرعه جدا لموا فرشتهم وجروا كل واحد يروّح بيته ..
تانى يوم الصبح .. سأل البياع الجديد ده على اللى حصل .. فى ايه يا جدعان ايه اللى حصل ده! قالوله انت مجنون انت ما تعرفش انت عملت ايه!! دى بيسه خدامة الناس اللى جوه ( يقصد الناس اللى جوه الجن والعفاريت ) . هى اللى بتدخل تجيبلهم اكلهم وشربهم وتطبخلهم .
كانت ردة فعل البياع الجديد ده اتعصب جدا لا اراديه وقال : انتوا مجانين ولا مبرشمين! هو فى ميتين بياكلوا ويشربوا يا ولاد المجنونة!!
قالوله طب استحمل بقى اللى هتعمله فيك يا حدق .. قالهم لا انا مش هستنى هى اللى تعمل انا اللى هدخلها ..
كلهم اتفاجئوا من قراره ده .. لدرجة انهم افتكروه بيهزر .. وقالهم لا ما بهزرش .. بس تدونى كام لو دخلت لحد قبر بيسه ؟
قالوله هنخليك كبير السوق وعربيتك تبقى اول عربيه .. بس تاخد الوتد ده “خشبه بتدق فى الارض” دقه جمب قبر بيسه عشان تثبتلنا انك دخلت .. قالهم تمام وخلاص اتفقوا ..
فى نفس اليوم بليل .. دخل البياع الجديد ده .. ووصل لحد قبر بيسه كان لابس جلابيه .. وحط الوتد فى الارض وبدا يدق عليه .. بس من الضلمه ماخدش باله انه بيدق الوتد على الجلابيه .. خلص دق وثبت الوتد فى الارض وطبعا الجلابيه فى النص .. وقام يمشى .. لقى اللى بيشده “الجلابيه ثابته فى الارض”..
خاف جداً .. وخاف اكتر يبص وراه يشوف ايه اللى بيشده ده .. قرر يستخدم قوته ويجرى وكل ما يجرى مايعرفش يتحرك “ومن خوفه” قلبه وقف ومات ..
المهم كان فى واحده مجنونه اسمها بيسه .. كانت عايشه فى التُرب دى .. بس كلهم كانوا فاكرينها عفريته .. عشان كده كانت بتطلع تاخد اى حاجه من على اى عربيه من غير ما حد يفتح بوئه وكأنه مش شايفها اصلا ..
فى يوم دخل بياع جديد السوق ده .. وجات بيسه دى تاخد حاجه من على عربيته .. شخط فيها وقالها غورى يا بت من هنا يلا .. وفجأة شاف ذهول من السوق كله .. كلهم متنحين .. وبيسه جريت على التُرب .. اول ما بيسه جرت كلهم بسرعه جدا لموا فرشتهم وجروا كل واحد يروّح بيته ..
تانى يوم الصبح .. سأل البياع الجديد ده على اللى حصل .. فى ايه يا جدعان ايه اللى حصل ده! قالوله انت مجنون انت ما تعرفش انت عملت ايه!! دى بيسه خدامة الناس اللى جوه ( يقصد الناس اللى جوه الجن والعفاريت ) . هى اللى بتدخل تجيبلهم اكلهم وشربهم وتطبخلهم .
كانت ردة فعل البياع الجديد ده اتعصب جدا لا اراديه وقال : انتوا مجانين ولا مبرشمين! هو فى ميتين بياكلوا ويشربوا يا ولاد المجنونة!!
قالوله طب استحمل بقى اللى هتعمله فيك يا حدق .. قالهم لا انا مش هستنى هى اللى تعمل انا اللى هدخلها ..
كلهم اتفاجئوا من قراره ده .. لدرجة انهم افتكروه بيهزر .. وقالهم لا ما بهزرش .. بس تدونى كام لو دخلت لحد قبر بيسه ؟
قالوله هنخليك كبير السوق وعربيتك تبقى اول عربيه .. بس تاخد الوتد ده “خشبه بتدق فى الارض” دقه جمب قبر بيسه عشان تثبتلنا انك دخلت .. قالهم تمام وخلاص اتفقوا ..
فى نفس اليوم بليل .. دخل البياع الجديد ده .. ووصل لحد قبر بيسه كان لابس جلابيه .. وحط الوتد فى الارض وبدا يدق عليه .. بس من الضلمه ماخدش باله انه بيدق الوتد على الجلابيه .. خلص دق وثبت الوتد فى الارض وطبعا الجلابيه فى النص .. وقام يمشى .. لقى اللى بيشده “الجلابيه ثابته فى الارض”..
خاف جداً .. وخاف اكتر يبص وراه يشوف ايه اللى بيشده ده .. قرر يستخدم قوته ويجرى وكل ما يجرى مايعرفش يتحرك “ومن خوفه” قلبه وقف ومات ..
مات من المجهول مات من خوفه من المجهول .. لو حد سئل البياع الجديد ده انت عيشت عشان ايه هيقولهم ما اعرفش .. ولو حد سأله طب موت ليه؟ هيقولهم بردوا ماعرفش ..
ما تعملش للمجهول قيمه .. لان بمجرد مواجهتك ليه هتنتهى كل مخاوفك منه .. وللعلم .. البياعين اللى فى السوق هما اللى كانوا عاملين قبر بيسه باديهم .. وعارفين ان مافيش حد مدفون فيه .. واقنعوا نفسهم انها عفريته وان فى حد مدفون فى القبر ..!
ما تعملش للمجهول قيمه .. لان بمجرد مواجهتك ليه هتنتهى كل مخاوفك منه .. وللعلم .. البياعين اللى فى السوق هما اللى كانوا عاملين قبر بيسه باديهم .. وعارفين ان مافيش حد مدفون فيه .. واقنعوا نفسهم انها عفريته وان فى حد مدفون فى القبر ..!
شكرا لمرورك الكريم