متلومش على حد إتظلم

متلومش على حد إتظلم
وحدف فى وشك كلمتين قلة أدب
دور وشوف مين السبب
واعرف جذور الظلم فين
دمع بعينك دمعتين واحزن معاه
عمر الحياه ما فـ يوم تدور
الا لما نحس بعض ونتفق
ساعد فى غيرك لو وقع
وقت المحن خليك صبور
وقت الشرف شهم وغيور
اعدل بايدك فـ الطبور
لو يوم يميل او يتعوج
متسيبش جارك يتحوج
خليك سند ضهر و امان
الناس زمان عاشت عشان
شاركوا المشاعر والوجع
يوم مـ الطوفان بيزور مكان
مش فارقه مين ندل وجدع
بس اللى فارق
ف الحواجز والبيبان

الشاعر #شادى_حسن